Rritet numri i emigrantëve që hyjnë në BE

Agjencia Evropiane e Kufijve bëri të ditur që autoritetet evropiane kanë regjistruar një mijë emigrantë më shumë në nëntë muajt e parë të vitit 2011 se sa në të njejtën periudhë të vitit të kaluar.

Zëvendësdrejtori i agjencisë Frontex, Gil Arias Fernandez, tha në një konferencë për shtyp në Bruksel se më shumë se 112 mijë emigrantë ilegalë janë shënuar nga muaji janar e deri në shtator, ndërsa e krahasoi këtë të dhënë me 77 mijë që ishin zënë brenda periudhës së njejtë në vitin e kaluar.

Fernandez tha se një mesatare prej 300 emigrantëve ilegalë kanë sukses për të hyrë në Evropë çdo ditë.

Ai kritikoi Greqinë dhe Turqinë për mungesë të qendrave të burgimit dhe për mungesë të marrëveshjeve për riatdhesim-veçanërisht me Afganistanin.