Rruga drejt Shëngjergjit në fazën përfundimtare

Shëngjergji është fshat që ndodhet rreth 37 km larg Tiranës dhe për të shkuar duhet të kalosh më parë Qafe Priskën. E nëse Shëngjergji nga kryeqytetasit dikur nuk ka ngjallur interes, tashmë kanë filluar të investohet në biznese të reja. Për fat të keq, banorët e kësaj zone përgjatë dimrit kanë vuajtur izolimin e plotë nga dëbora dhe dikur për të shkuar në Tiranë atyre u duheshe më shumë se 3 orë.

Nisur nga kjo gjendje dhe në anën tjetër duke menduar në zhvillimin e Zonës, Fondi shqiptar i zhvillimit, në bashkëpunim me donatorët e huaj kanë ndërtuar këtë rrugë të re që shmnag plotësisht kalimin nga rruga e dikurshme. Plotësisht janë asfaltur mbi 17 km rrugë dhe infrastruktura ka të gjithe standardet e nevojshme, sinjalistike dhe bankina anësore për të shmangur çdo aksident të mundshëm.

Duke parë vijëmësinë e asafaltimit drejtori i fondit shqiptar të zhvillimit Benet Beci tha se kjo rrugë lehtëson komunikimin e 12 fshatrave.
Ndërsa vetë banorët thonë se dikur kjo ka qenë një zonë e izoluar dhe me rrugë të amortizuar, ndërsa tashmë rruga ka kthyer besimin në zhvillimin e fshatit.
 

Gjerësia e asfaltit është mbi 4.75 m ndërsa fillimisht është punuar edhe me sistemin e kanalizimeve. Në këtë rrugë të asfaltuar janë ndërtuar 4 ura të reja si dhe vepra të tjera të artit. Kjo rrugë e re jo vetëm që ka shkurtuar distancën me Tiranën dhe shmang izolimin nga dëbora përgjatë dimrit por pritet të zgjerojnë interesin për ta parë Shëngjergjin si një zonë turistike.