Rruga e përbashkët e Shqipërisë dhe e Kosovës, anëtarësimi në BE

Kryetari i grupit parlamentar të Partisë Socialiste, Taulant Balla dhe delegacioni që e shoqëronte zhvilluan një takim me kryetarin e Lidhjes Demokratike të Kosovës, Lumir Abdixhiku.

Gjatë takimit, Balla theksoi se “rruga e përbashkët e Shqipërisë dhe e Kosovës është anëtarësimi në Bashkimin Evropian”.

Sipas Ballës, LDK si anëtare e PPE luan një rol të rëndësishëm në çuarjen përpara të kësaj axhende.

Më herët kreu i grupit parlamentar të PS-së, Taulant Balla gjatë qëndrimit në Kosovë u prit në një takim nga kryeministri i Kosovës, Albin Kurti. Balla në krye të një delegacioni të Kuvendit të Shqipërisë po zhvillon një vizitë zyrtare në Kosovë.