Rubik, "groposen" ne autostrade mbetjet urbane

RUBIK- Mbetjet urbane te qytetit te Rubikut, qe prej 8 vitesh groposen prane vijes se autostrades se re, Milot-Rreshen, pjese e rruges Durres-Kukes-Kosove. Qindra tone mbeturina e plehra te ketij qyteti, por dhe lokaleve te shumta dhe zonave perreth, te grumbulluara ne ane te unazes se qytetit per mungese infrastrukture, jane hedhur anash rruges se re nga firma qe po kryen punimet. Dhe ne vend qe te zbatonte projektin prej 12 milione dollaresh duke larguar mbeturinat, dherat e germuar jane hedhur siper mbetjeve urbane prane rrjedhes se lumit Fan i Vogel. Nje pjese tjeter plehrash gjenden ne siperfaqe, shume afer objekteve te rendesishme te zones dhe popullates, duke krijuar nje pamje jo te pelqyeshme per vizitoret. Sipas kryetarit te bashkise Rubik, Mark Ruci, firmes "Delia" i eshte thene se as dhe nje lopate dherash nuk duhet hedhur mbi plehra dhe se puna e pare qe duhej bere, ishte evakuimi i ketyre mbeturinave ne drejtim te nje grope te perbashket me bashkine e Rreshen, dhe me pas vazhdimi i punes ne trase. "Por ata e bene fakt te kryer duke hedhur makina te tera me dhera. Per kete ne i jemi drejtuar zyrtarisht supervizorit te kesaj rruge, firmes angleze "Scetaroute", ndersa keta te fundit jane shprehur se do te japin pergjigje brenda dy diteve", shpjegon kryebashkiaku.

Aleksander Ndoja