Ruci Ngjarja e 21 janarit zhvillim tragjik
Kryetari i grupit Socialist zhvillon takim me delegacionin e OSBE-se per situaten aktuale
TIRAN - Kryetari i Grupit Parlamentar Socialist Gramoz Ruci zhvilloi dje nje takim ne seline roze me delegacionin e Asamblese Parlamentare te OSBE-se kryesuar nga Roberto Batelli ku u diskutuar mbi krizen politike ne vend dhe demonstraten e 21 janarit.
Ne kete takim Ruci shprehu mirenjohjen per angazhimin dhe asistencen e OSBE-se lidhur me proceset demokratike ne Shqiperi. Ai e cilesoi ngjarjen e 21 janarit si nje zhvillim tragjik pas nje krize politike e cila zgjat prej me shume se nje viti e gjysme.
Zyrtari i larte socialist renditi si probleme kryesore qe sollen ne keto zhvillime me pasojen e humbjen e jetes se kater qytetareve te pafajshem te vrare nga Garda e Republikes vjedhjen e votave te 28 qershorit kapjen e shtetit nga pushteti dhe korrupsionin qeveritar qe kulmoi me publikimin e video-skandalit.
Kreu i grupit te PS-se risolli ne vemendjen e bashkebiseduesve rrezimin arbitrar nga ana e mazhorances se rezolutes se Parlamentit Europian ku rekomandohej ngritja e komisionit hetimor parlamentar per hetim te materialeve zgjedhore te zgjedhjeve te fundit te pergjithshme.
Gjithashtu ai ngriti shqetesimin per mungesen e respektimit te procedurave parlamentare dhe shkeljet flagrante e te perseritura te cdo ligji dhe rregulloreje ne fuqi nga ana e mazhorances ne funksionimin e Kuvendit te Shqiperise.
PS i dorezon KiE-se dosjen e 21 janarit
Partia Socialiste i ka dorezuar dje Keshillit te Europes dosjen e pergatitur per demonstraten e 21 janarit ku mbeten te vrare kater persona dhe u plagosen dhjetera te tjere. Mbremjen e djeshme ne oren 1900 drejtues te selise roze kane pritur ne nje takim Komisionerin e Keshillit te Europes per te Drejtat e Njeriut Thomas Hammarberg.
Ne kete takim ishte i pranishem kryetari i grupit parlamentar Socialist Gramoz Ruci sekretari per eshtjet Ligjore Fatmir Xhafaj dhe anetarja e Komisionit te Ligjeve Vasilika Hysi. Burime nga Partia Socialiste bejne te ditur se ne kete takim eshte diskutuar mbi gjithcka qe ndodhi ne demonstraten e 21 janarit.
Gjithashtu zyrtaret socialiste i kane dorezuar komisionerit Hammarberg dosjen e plote te ngjarjes qe solli viktima. Ne kete dosje jane te perfshira deshmi ekspertiza te Mjekesise Ligjore per personat e dhunuar pamje filmike dhe dokumente te tjera. Ne kete takim eshte denoncuar dhuna e ushtruar nga forcat e policise ndaj demonstruesve si dhe vrasja e kater personave.