Rusët parashikojnë bashkimin e Kosovës me Shqipërinë

 Shqipëria do të bashkohet me Kosovën dhe një pjesë të Maqedonisë, ndërkaq Bosnja e Hercegovinën do ta ndajnë Serbia e Kroacia.

Kështu mendojnë ekspertët rus se do të duket Evropa në vitin 2035.

Ata kanë krijuar hartën e kontinentit të vjetër në bazë të dokumenteve të CIA-s dhe shërbimit sekret rus.

Sipas tyre, Shqipëria do të bashkohet me Kosovën dhe me një pjesë të Maqedonisë do ta krijojnë Shqipërinë e Madhe.

Në 20 vitet e ardhshme Evropën e presin ndryshime të mëdha, konsiderojnë ekspertët rus të cilët në bazë të analizave të dokumenteve të shërbimeve sekrete dhe grupeve të ekspertëve kanë krijuar hartën e “Evropës së Re”.

Seria e ndryshimeve të mëdha territoriale do të filloi në Britaninë e Madhe, ku Skocia do ta shpall pavarësinë, e që do të shfrytëzohet për bashkimin e Irlandës, shkruan gazeta ruse “Ekspres”.

Katalunasit dhe baskët do të pavarësohen nga Spanja, që do të ketë pasoja edhe në Francën fqinje.

E në jug të këtij vendi parashihet krijimi i një shteti islamik, ndërsa rajoni Loren do t’i bashkohet Gjermanisë.

Edhe Belgjika do të shpërbëhet, e flamanët do t’i bashkohen Holandës. Ndërsa Italia do të ndahet në veriun e pasur dhe jugun e varfër. /Indeksonline/