Rusi/ Putin paralajmëron "kryqëzatë" kundër korrupsionit

Kryeministri rus, Vladimir Putin paralajmëroi ndërmarrjen e një "kryqëzate" kundër burokratëve të korruptuar.
Ky vendim i qeverisë ruse vjen pas zjarrit shkatërrimtar në një klub nate në qytetin rus të Permit, i cili shkaktoi vdekjen e 135 personave.
"Të gjitha veset e burokracisë tonë u ekspozuan nga kjo tragjedi, inkompetenca e saj, korrupsioni dhe lidhja e tij me bizneset", i deklaroi Putini kabinetit qeveritar pas vizitës në Perm, ku kritikoi ashpër zyrtarët lokalë. Pas largimit të tij nga Permi, e gjithë qeveria lokale dha dorëheqjen.