Rusi deputetet sngrihen ne kembe per Putin
Më parë vërshëllimat në stadium, tani gjysma e Parlamentit që nuk ngrihet në këmbë kur ai hyn në sallë.
Janë këto evenimentet që kanë karakterizuar katër ditët e fundit të aktiviteteve elektorale të kryeministrit rus Vladimir Putin.
Gjatë ditës së mërkurë, kur kreu i qeverisë u fut në sallën e Dumës për fjalimin e fundit para degës së ulët të Parlamentit para shkrirjes së tij, deputetët e Partisë Komuniste dhe ata të Rusisë së Drejtë nuk u ngritën nga karrikja e tyre.
Kështu shkruan shtypi rus në edicionet e sotme të tij. Kryeministri është përshëndetur vetëm nga deputetët e partisë Rusia e Bashkuar, e udhëhequr nga vetë ai, si dhe nga liberal-demokratët e ultranacionalistit Vladimir Zhirinovski. Nga ana e tij, Putin reagoi me ironi.
“Dua të falenderoj të gjithë deputetët e Dumës, pa dallim partiak, ata që u ngritën dhe ata që menduan se nuk ishte e mundur ta bënin”, tha ai duke qeshur. Më pas ai i kërkoi opozitës që “të sillet me maturi” dhe që “të mos e përmbysë anijen”.
Partia Rusia e Drejtë e ka motivuar sjelljen e saj si një gjest proteste ndaj liderit të një partie që po ushtron presion kundër saj.
Pak ditë më parë Putin u vërshëllye nga publiku teksa ndodhej në një eveniment sportiv. Edhe pse ai mbetet lideri më popullor në vend, treguesi i mbështetjes së tij ka zbritur në sondazhet e fundit në kuotën 60 për qind.
Më herët gjatë muajit, pasi konfirmoi rikthimin në krye të Kremlinit, Putin deklaroi se nuk e bënte këtë për të rendur pas pushtetit.
if (window.ads_ad_block){ads_ad_block=ads_ad_block+1;}else{ads_ad_block=1;} function showAdBlock_2136(ppc_ad_block_count) { title = document.title; show_ads_id = 2136; show_ads_url = "http://www.kosoftads.com/publisher-show-ads.php"; block_count=ppc_ad_block_count; iframe_width=580; iframe_height=115; metainfo=document.getElementsByTagName('meta'); ref=document.referrer; showContentAds(metainfo); } setTimeout("showAdBlock_2136("+ads_ad_block+")",1000*(ads_ad_block-1));
Lajmet kryesore
Aksioni në Mitrovicë, plagosen 21 ushtarë të KFOR-it
Dy prej të lënduarve në gjendje të rëndë
Hipoteka: Prona që pretendon familja Konomi ka ende probleme
Obama: Mbështesim përpjekjet për integrim
Familjarët: Çfarë po ndodh me hetimin e vrasjeve?
Vizat, Fajon: Pezullimi i dëmshëm