Rusia nuk do te prese furnizimin me gaz ne Evrope

Varesia e Evropes nga Rusia per furnizimin me gaz eshte e rrezikshme, pjeserisht sepse rezervat e saj ne te ardhmen mund te pakesohen, por jo sepse Rusia mund ta nderprese eksportin per shkak te tensionit me shtetet perendimore. Keshtu u shpreh i derguari i Shteteve te Bashkuara te Amerikes per energjine Euro-aziatike, Boiden Grei. "Nuk besoj se Rusia do te nderprese eksportin. Nuk e kane bere me pare dhe nuk mendoj se do ta bejne qellimisht", deklaroi ai. Sipas tij, pergjigja e rrepte qe iu dha Rusise nga Shtetet e Bashkuara te Amerikes dhe Evropa per shkak te konfliktit me Gjeorgjine ka bere qe te ulet rreziku i Rusise ndaj fqinjeve te saj. "Nuk mendoj se do te kemi probleme te tjera", theksoi i derguari i SHBA-se per energjine Euro-aziatike. Per Grein, nje problem i madh i Evropes eshte varesia nga Rusia per furnizimin me gaz. Ai kishte besim se gazsjellesi Nabuko, qe shihet nga Evropa si nje menyre per te zvogeluar varesine nga Rusia, do te ndertohej nje dite. Ky gazsjelles parashikohet te fuse ne Evrope 30 miliarde metra kub gaz ne vit nga Turqia dhe do te kaloje nga Bullgaria, Rumania, Hungaria dhe Austria. Nje sere marreveshjesh duhej te firmoseshin kete vete, por u shtyne per shkak te Turqise qe po i zvarriste punet, thane analistet. "Turqia eshte e shqetesuar per ngrohjen e popullsise se saj, prandaj marreveshja po shtyhet, por ne jemi perpjekur t'i lehtesojme sa me shume bisedimet", sqaroi Grei. Ai shtoi se nje projekt tjeter gazsjellesi, i quajtur TGI, mund te perfundoje me shpejt se Nabuko. "Ka mundesi qe TGI te perfundoje me shpejt. Por kam besim se nje dite Nabuko do te ndertohet", shpjegoi zyrtari i larte amerikan. Ai thote se do te kete mirekuptim nga ana e Turqise per ndertimin e nje gazsjellesi qe do te kaloje transit ne kete shtet.