Rusia, zyrtarisht anëtare e Organizatës Botërore të Tregtisë
Rusia është bërë zyrtarisht anëtare e Organizatës Botërore të Tregtisë (OBT), pas shumë vite negociatash.
Me pranimin formal të saj, Rusia bëhet vendi i 156-të, që bashkohet me trupin që përcakton rregullat globale të tregtisë dhe zbaton marrëveshjet e tregtisë. Deri më tani, Rusia ishte ekonomia më e madhe në botë që nuk ishte anëtare e OBT-së.
Anëtarësimi i Rusisë u bë zyrtar 30 ditë pasi ky veprim u mbështet zyrtarisht nga të dy dhomat e parlamentit dhe qeverisë. Pavarësisht anëtarësimit të Moskës, rregullat e OBT-së nuk do të aplikohen ende në lidhjet tregtare mes Rusisë e Shteteve e Bashkuara, ekonomisë më të madhe në botë, dhe në fuqi vazhdojnë të mbesin marrëveshjet dypalëshe.
SHBA vazhdon ta mbajë në fuqi amendamentin e vitit 1974 “Jackson-Vanik, i cili përdorte barriera tregtare për ti bërë presion Bashkimit Sovjetik lidhur me çështjen e të drejtave të njeriut.
22 gusht 2012 (gazeta-Shqip.com)
Rusia, zyrtarisht anëtare e Organizatës Botërore të Tregtisë burimi: Gazeta S H Q I P Gazeta Shqip