SHBA – Trump: Po shqyrtojmë uljen graduale të operacioneve në Lindjen e Mesme
UASHINGTON, 21 mars /ATSH-DPA/ – Presidenti amerikan, Donald Trump ka deklaruar se Shtetet e Bashkuara po shqyrtojnë mundësinë e “uljes graduale të përpjekjeve tona të mëdha ushtarake në Lindjen e Mesme”.
Në një postim në platformën Truth Social, presidenti Trump tha se SHBA-ja është “shumë pranë përmbushjes së objektivave tona” në lidhje me atë që ai e quajti “regjimi terrorist i Iranit”.
Sipas tij, objektivat përfshijnë dobësimin e kapaciteteve raketore të Iranit, shkatërrimin e bazës së industrisë së mbrojtjes, eliminimin e forcave detare dhe ajrore, si dhe parandalimin që Irani të afrohet me kapacitetet bërthamore.
Presudenti Trump theksoi gjithashtu rëndësinë e mbrojtjes së aleatëve të SHBA-së në rajon, duke përmendur Izraelin, Arabinë Saudite, Emiratet e Bashkuara Arabe Bahrejni dhe Kuvajtin, ndër të tjera.
Deklarata vjen në një moment tensioni të lartë në rajon, ndërsa zhvillimet mbeten në vijim. /Ad.Ab./ a.jor.