SHBA, Obama: Po nis një agim i ri i udhëheqjes amerikane

Chigago (start)- Kreu i ri i Shtëpisë së Bardhë, atje ku merren shpesh vendime të rëndësishme botërore, Barack Obama, deklaroi para mbështetësve të tij në Chigago se një agim i ri i udhëheqjes amerikane është afër.

"Për të gjithë ata që duan të shembin botën, ne ju themi se do i mundim. Ne kërkojmë paqe dhe siguri dhe do te mbështesim të gjithë ata që kanë këtë mision. Fuqia jone vjen nga idealet tona, nga liria dhe shpresa e pashuar"- tha Obama, duke dalë përpara publikut për herë që pas zgjedhjes së në postin e Presidentit të SHBA-ve.

Obama iu drejtua gjithë popullit amerikanë dhe gjithë kombeve anembanë Botës se votimi historik i 4 nëntorit ishte një përgjigje e forte se kjo është fitorja me madhështore, ndërsa sfida të mëdha shfaqen në rrugën e se ardhmes.

"Ndryshimi ka ardhur ne Amerike. Fitorja ju takon juve zgjedhës! E di qe nuk e bëtë për mua, por e bëtë sepse kuptuat madhështinë, rëndësinë e provës qe na pret, për sfidat e mëdha që kemi përpara", u shpreh Obama.

Obama nuk la pa përmendur edhe krizën aktuale financiare, luftën në Irak dhe Afganistan, që sipas Obamës do të zgjidhen me sukses.