SHBA, Obama shpall sot projektbuxhetin e vitit 2014
10-04-2013 / Gazeta 55
Presidenti amerikan Barak Obama pritet të shpallë sot projekt-buxhetin për vitin 2014, një plan që nuk kënaq shumë anëtarë të të dyja partive.
Buxheti i presidentit përfshin shkurtime në programet qeveritare, sigurimet shoqërore dhe ato shëndetësore. Projekt-buxheti përfshin edhe rritjet e taksave për të pasurit.
Obama thotë se buxheti i propozuar nuk është plani i tij ideal për të shkurtuar deficitin. Por, ai e quan atë një kompromis për të dalë nga ngërçi i tanishëm fiskal, ndërkohë që republikanët duan më shumë shkurtime të shpenzimeve qeveritare dhe kundërshtojnë rritjen e taksave.