SHBA dhe Gjermania do te njohin pavaresine e Kosoves

SHBA-te dhe Gjermania kane rene dakord te njohin shtetin e ri te Kosoves, pasi lideret e krahines shqiptare te shpallin pavaresine. Dy vendet madje i kane bere thirrje Evropes, qe te ndjeke shembullin e tyre. Lajmi eshte bere publik nga e perditshmja amerikane "New York Times", e cila citon disa diplomate te larte te BE-se, prane procesit te negociatave mes Prishtines dhe Beogradit. Sipas tyre, gjate nje bisede te diteve te fundit qe kancelarja gjermane Angela Merkel zhvilloi me presidentin amerikan Xhorxh Bush, dy lideret rane dakord se njohja e shtetit te ri te Kosoves perben nje rendesi jetesore per stabilizimin e rajonit te Ballkanit. Zyrtaret thone se Uashingtoni po nxit Brukselin per te siguruar se njohja e Kosoves te mos shtyhet as edhe me nje jave, pasi lideret shqiptare te kene shpallur pavaresine, gje qe eshte planifikuar te behet pas 3 shkurtit, kur perfundon raundi i dyte i zgjedhjeve presidenciale ne Serbi. "Buka tashme eshte pjekur, sepse amerikanet kane premtuar pavaresine e Kosoves. Nese Uashingtoni e njeh shtetin e ri dhe vendet e BE-se nuk ndjekin shembullin e tij, atehere kjo do te ishte nje katastrofe", - ka thene njeri prej zyrtareve te larte evropiane per "New York Times", i cili preferoi te mbetej anonim. Diplomatet ne Bruksel thone se pjesa me e madhe e vendeve te BE-se po planifikojne te njohin pavaresine e Kosoves.