SHBA godet objekte kryesore bërthamore në Iran, OKB: Nuk ka rritje të niveleve të rrezatimit
Agjencia Ndërkombëtare e Energjisë Atomike, mbikëqyrësi bërthamor i OKB-së, tha se nuk ka pasur rritje të raportuara të niveleve të rrezatimit në tre centralet bërthamore iraniane që u goditën nga sulmet amerikane.
“Pas sulmeve ndaj tre centraleve bërthamore në Iran, IAEA mund të konfirmojë se deri në këtë kohë nuk është raportuar asnjë rritje e niveleve të rrezatimit jashtë vendit. IAEA do të japë vlerësime të mëtejshme mbi situatën në Iran sapo të bëhen të disponueshme më shumë informacione”, tha ajo në një postim në X.
Irani ka qenë gjithnjë e më kritik ndaj IAEA-së dhe e ka akuzuar agjencinë se është bashkëpunëtore në sulmet amerikane, por vetë organizata mbikëqyrëse bërthamore është një mbikëqyrës global neutral.
SHBA goditi disa objekte kryesore bërthamore iraniane mëngjesin e kësaj të diele, duke përfshirë Fordow, Natanz dhe Isfahan. Gjatë një fjalimi në Shtëpinë e Bardhë, Trump pretendoi se vendet ishin “shkatërruar plotësisht” dhe paralajmëroi se SHBA-të mund të sulmojnë objektiva të tjerë nëse Irani nuk bën paqe.
/rtsh.al/