SHBA, rregulla të reja për të evituar hyrjen e të "paftuarve" në Shtëpinë e Bardhë

Shtëpia e Bardhë po korigjon gabimet. Kështu, për të shmangur përsëritjen e ngjarjeve të tilla si ajo e hyrjes së një çifti të paftuar në ambientet e Shtëpisë së Bardhë ndërsa po zhvillohej një darkë për nder të kryeministrit Indian, faqja e internetit "USA Today" informon se së shpejti do të ndryshojnë procedurat që rregullojnë qasjen e personave të jashtëm. Në veçanti, është vendosur se që tani e tutje , personeli i Shtëpisë së Bardhë do të plotësohet me oficerë të Shërbimit Sekret në të gjitha pikat e kontrollit.