SHISH kerkoi kapjen e Artan Kristos

Artan Kristo, hoxha i arrestuar si i dyshuar per terrorizem, i njohur me emrin fetar Muhamed Abdullahi, prej nje kohe te gjate bente propagande radikale islamike te llojit salafit-tekfirist, me nje grup te vogel te rinjsh ne Rrashbull dhe Golem, duke dhene keshilla radikale islamike.

Prokuroria e Tiranes ka zbuluar te gjithe rrjetin e informacioneve qe kalonin nga Kristo, te cilat e kishin origjinen nga disa vende islamike.

Ato postoheshin ne tre adresa interneti, ndersa hetuesit e çeshtjes kane arritur te zbardhin edhe mekanizmin e vepres penale te nxitjes se terrorizmit.

Informacionet e para kane mberritur ne Prokurorine e Tiranes nga strukturat e SHISH-it dhe te sherbimeve amerikane.

Aktivitetin e tij fetar, 31-vjeçari e realizonte ndermjet te tjerave edhe nepermjet komunikimit ne rruge telefonike dhe elektronike.

Ne website www.albselefet.net, shfaqen disa pamje te shtetasit Artan Kristo, nga te cilat dyshohet se ky shtetas synon mbeshtetjen ose kryerjen e veprave per qellime terroriste.

Sipas prokurorise, Artan Kristo shprehet ne mesazh se “...ka pasur, ka dhe do te kete Xhihad, i cili eshte obligim dhe detyrim per myslimanet, deri diten e gjykimit...”.