Sallami dhe ushqimet, shkak per nje sere semundjesh Sonila Isaku
Nese sallami ka ngjyre te forte te kuqe apo mban nje ere te pakendshme, ne te mund te jene hedhur mbi normat nitrat dhe nitrite qe ne sasi te medha kthehen ne perberes kancerogjene. Specialistet e Institutit te Shendetit Publik u bejne thirrje konsumatoreve te jene te kujdesshem me produktet shtazore qe konsumojne dhe menyren e ruajtjes se tyre ne kushte frigoriferike. Vetem ne dekaden e fundit numri i tokso-infeksioneve ushqimore eshte dyfishuar nga 55 ne 106 raste per 100 mije banore. "Marrim nje person, i cili gjate gjithe kohes konsumon sallam, sasia e interdienteve eshte teper e larte, atehere aftesia e ofranizmit nuk arrin qe ta largoje kete pjese toksike te mbetur ne hepar, por ato akumulohen ne trajten e grimcave te vogla qe me pas behen shkak per te shfaqur kancer", - ka pohuar Lindita Molla specialiste e ushqimit. Sipas saj, ajo qe duhet te kemi kujdes tek sallami jane ngjyra teper e kuqe e tyre apo edhe vishnje. Kjo varet nga tipi i tyre se jo te gjitha jane te tilla. Per sa i perket kushteve specialistja e ushqimit pohon se edhe ato jane shume te rendesishme. "Nga vete menyra e prodhimit, ruajtjes ne frigorifere, por edhe veshja e tij me nje shtrese te holle e cila eshte myk, i cili eshte alarmi i pare qe nuk duhet te lejohet konsumimi i ketij produkti. Ndaj, nuk duhet as te lahet me uje te nxehte, te zihet dhe me pas te skuqet. Ky eshte nje produkt qe nuk konsumohet me", - ka theksuar Molla. Sipas saj, ne kete moment produkti ka degraduar dhe jashte tij ka dale shtresa e mykut. Nga ana tjeter, te dhenat tregojne se 11 per qind e semundshmerise ka shkaktar kryesor te saj kequshqyerjen. Kjo eshte shifra me e fundit e publikuar nga OBSH, pas rritjes disa fish te semundjeve, qe prekin organet e brendshme. Per diagnozat kancerogjene rritja eshte deri ne 12%. Ne Shqiperi, 19% e femijeve jane te nen ushqyer duke e kthyer kete kategori ne me te rriskuaren nga semundjet, qe mund te duan edhe nje dekade per t'u shfaqur. "Prinderit jane te ndergjegjshem se cfare ushqimesh jane te shendetshem per femijen e tyre por, shpesh, pamundesia ekonomike nuk i lejon te bejne keto blerje duke u bere shkak i shume pamjaftueshmerive apo semundjeve te femijet e tyre. Do te permendja ketu shkallen e anemise apo mungeses se jodit", - ka pohuar Jolanda Hyska, specialiste e ISHP-se. Sipas studimit te ISHP, ne 81% te rasteve, prinderit perpiqen t'u japin femijeve te tyre ushqime te sigurta dhe te fresketa, por, ne fakt, ne shumice, kjo mbetet vetem perpjekje, pasi konsumatori e ka te pamundur te dalloje me sy te lire, nje ushqim te sigurt ose jo.