Samiti i Berdos, debat Kosove-Serbi
Sa me shume qe afrohet 20 marsi, aq me shume shtohen gjasat per deshtimin e Samitit te vendeve te Ballkanit Perendimor qe mendohet te mbahet me kete date ne Berdo te Republikes se Sllovenise. Bashkimi Evropian ende nuk eshte i sigurt nese do te mbahet ky samit, nderkohe qe Presidenca spanjolle e Unionit po pergatitet qe ne qershor ta mbaje nje takim ne Sarajeve, ku do te merrnin pjese udheheqesit e vendeve ballkanike. Nese mbahet takimi ne Berdo prane Kranjit, atehere aty do te marre pjese edhe Kryesuesi i Keshillit Europian, Herman Van Rompej. Megjithese shefi i diplomacise italiane, Franko Fratini, ka deklaruar kohe me pare ne takimin ministror te BE-se ne Kordoba, se mbajtja e takimit ne Berdo prane Kranjit "nuk eshte iniciative evropiane". Problem politik dhe organizativ i takimit te mundshem ne Berdo prane Kranjit, eshte ajo nese do te jete e mundur pjesemarrja e zyrtareve te larte te Serbise, e cila kerkon qe Kosova te marre pjese vetem si delegacion me UNMIK-un, derisa Prishtina zyrtare ka kembengulur se do te perfaqesohet vetem si shtet i pavarur.
Diten e djeshme, Presidenti serb, Borsi Tadic, tha se Serbia do te marre pjese ne te gjitha forumet rajonale neper te cilat Kosova trajtohet sipas parimeve te definuara ne Rezoluten 1244 te Kombeve te Bashkuara, duke perfshire ketu edhe takimin e Berdos ne Slloveni. Tadic i dha keto deklarata nje takimi qe ka zhvilluar ne qytetin e Novi-Sadit me presidentin e Hungarise, Laslo Shojom. "Keto parime jane shume te qarta. Serbia nuk do te marre pjese ne asnje forum rajonal, ne te cilin nuk respektohen parimet e OKB-se dhe qe nenkuptojne edhe respektimin e Rezolutes 1244", ka thene Tadic, duke shtuar se ky qendrim vlen edhe per takimin ne Berdo.
Nga ana tjeter, zedhenesi i Qeverise kosovare, Memi Kransiqi, deklaroi se Kosova ne cdo rast, do te prezantohet si shtet, dhe kjo vlen edhe per konferencen e Berdos ne Slloveni. Kryeministri Thaci, eshte ftuar te marre pjese ne Konferencen Rajonale "BE-Ballkani Perendimore", qe do te mbahet ne Berdo te Sllovenise, me 20 mars. Krasniqi thote se Kosova do te prezantohet atje vetem si shtet i pavarur. "Per sa i perket aspekteve teknike te organizimit te konferences, kjo eshte nje ceshtje qe iu perket organizatoreve, respektivisht, Republikes se Sllovenise dhe republikes se Kroacise dhe, ne, besojme se ata shume shpejt do te dalin me detaje tjera teknike te organizmit te konferences", thote Krasniqi.