Sarandë, sekuestrohen 600 kg drogë

Sipas të dhënave të para, droga kishte destinacion Greqinë fqinje, nga ku edhe do të shpërndahej nga trafikantët.

Ende nuk janë arrestuar poseduesit e drogës, pasi janë larguar me shpejtësi, duke e braktisur drogën. Sipas policisë, droga ishte në fugon e ndarë në 18 çanta transporti. Sapo kishte mbërritur në mesnatë në Gjirin e Bunecit, trafikantët e kanë braktisur drogën, duke iu shpëtuar forcave të rendit.

Policia është vënë në kërkim të tyre, ndërkohë që po hetohet edhe pista e ndonjë organizate më të gjerë që merret me transportimin dhe shitjen e lëndëve narkotike.