Sarkozi-Kameron në Libi për bisedime

Ndërkohë, kryengritësit vijojnë luftimet me mbështetësit e Muamar Gadafit në betejën për të marrë kontrollin e qytetit Bani Walid.

Udhëtimi i së mërkurës do të jetë një xhiro fitoreje për Niklas Sarkozinë dhe David Kameronin, të cilët ishin në krye të fushatës ushtarake në kuadër në NATO-s në Libi, fushatë e cila rezultoi në rrëzimin e Muamar Gadafit.

Të dy liderët janë tepër popullorë në Libisë, ku rrugët tashmë janë mbushur me postera ku shkruhet "Merci Sarkozy" dhe "Thank you Britain".

Ndërkohë, të premten vendin pritet ta vizitojë edhe lideri turk, Rexhep Tajip Erdoan, e pas tij edhe ministri egjiptian i Punëve të Jashtme, Mohammed Kamel Amr./Start/F. Prroni/

                                                                                             2011-09-15 10:01