Së shpejti meshkujt do të jetojnë më shumë se femrat

Meshkujt mund të fitojnë betejën me seksin e kundërt për jetëgjatësinë- ose të paktën mund të barazojnë.

Ekspertët thonë se shumë shpejt meshkujt do kenë jetëgjatësi sa femrat për herë të parë në histori.

Djemtë që kanë lindur në vitin 2000 do të barazojnë për herë të parë jetëgjatësinë me femrat.

Tradicionalisht meshkujt jetojnë më pak se femrat. Ky hendek erdhi duke u rritur sidomos në mesin e shekullit të shkuar, me shtimin e numrit të duhanpirësve dhe jetesës prej macho-sh.

Por meshkujt po heqin dorë nga kjo mënyrë jetese. Ata konsumojnë më pak alkool, tymosin më pak dhe ajo më e rëndësishmja, industria e rëndë ku punonin ata tashmë është histori e së kaluarës.