Seanca e përbashkët parlamentare, Rama e Spiropali takim me Osmanin, Kurtin e Konjufcën
TIRANË, 20 dhjetor /ATSH/ Kuvendi i Shqipërisë dhe Kuvendi i Kosovës po zhvillojnë sot një seancë të përbashkët plenare në Prishtinë.
Seancës do t’i drejtohen me një fjalë përshëndetëse edhe kryeministri Edi Rama dhe kryeministri i Kosovës, Albin Kurti.
Pak para fillimit të seancës së përbashkët plenare autoritetet e larta të dy vendeve zhvilluan një takim në ambientet e Kuvendit të Kosovës.
Kryeministri Edi Rama dhe kryetarja e Kuvendit, Elisa Spiropali zhvilluan një takim me kryetarin e Kuvendit të Kosovës, Glauk Konjufca, Presidenten e Kosovës Vjosa Osmani dhe Kryeministrin e Kosovës, Albin Kurti.
Mbledhja e përbashkët e dy Kuvendeve të Shqipërisë dhe të Kosovës vjen si nevojë e koordinimit të agjendës kombëtare.
Mbledhja e fundit mes dy parlamenteve ka qenë më datë 27 nëntor 2022, kur shënohej 110-vjetori i Pavarësisë së Shqipërisë. /m.m/j.p/