Semundja misterioze, bie 50% cmimi i gjelave

Xhemil Beharaj
Nje semundje misterioze dyshohet te kete shkaktuar ngordhjen e pese krereve te gjelave te detit ne zonen e Kucoves, ne rrethin e Beratit. Dyshimet per nje epidemi kane bere qe ne prag te festave te fundvitit te ulet ndjeshem si sasia e shpendeve te shitur, ashtu edhe cmimi i tyre ne treg. Alarmi ka bere qe konsumatoret e rrethit te Fierit, vecanerisht ata te qytezes se Roskovecit, te ngurrojne perpara shpendeve te ekspozuar ne tregun e gjese se gjalle. Nderkohe mesohet se inspektore te Drejtorise se Bujqesise dhe Ushqimit si dhe Mbrojtjes se Konsumatorit kane nisur kontrollet e te gjitha tufave ne qark si dhe te te gjithe shpendeve qe po shiten ne tregun fshatar.
Ne pazaret e fshatareve ne rrethinat e Fierit, konsumatoret te alarmuar shprehen se kane friken e semundjes qe ka plasur mes gjelave te detit ne qytetin fqinj Kucove. Ndersa dy dite me pare nje kilogram peshe e gjalle e gjelit te detit shkonte nga 800-900 leke, ditet e fundit cmimi ka arritur ne 400-500 leke per kilogram. Tregtaret pranojne renien e fuqise blerese, ndersa konsumatoret e shprehin hapur friken per te blere gjelin tradicional.
Ne tregun e fshatareve ne qytetin e Fierit, Roskovecit dhe ate te Patosit prej dy ditesh, mesohet se jane shitur shume pak gjela deti.