Senati italian miraton paketën e kursimeve

Paketa përfshin shkurtime shpenzimesh, rritje taksash dhe reforma në sistemin e pensioneve. Më parë paketa e kursimeve ishte miratuar në Dhomën e Ulët.

Edhe pse të gjitha partitë politike kishin rezerva lidhur me disa çështje të programit, masat e reja u miratuan me 257 vota pro dhe 41 kundër.

Kryeministri Monti udhëheq një qeveri teknokrate me qëllim nxjerrjen e vendit nga kriza e borxheve.

Paketa për kursimin e 30 miliardë eurove pritej gjerësisht të miratohej, në këtë mënyrë nuk përbën surprizë për popullin italian./Start/F. P/

                                                                                             2011-12-22 17:11