Senatorët çekë vlerësojnë progresin e reformave në Shqipëri dhe mbështesin forcimin e bashkëpunimit ekonomik mes dy vendeve
Kryeministri Berisha zhvilloi sot një takim me delegacionin e deputetëve të Senatit çek, anëtarë të Komisionit për ekonominë, bujqësinë dhe transportin, të kryesuar nga zoti Ivan Adamec.
Duke iu uruar mirëseardhjen, Kryeministri Berisha theksoi se kjo vizitë, e cila i paraprin vizitës së Kryeministrit Çek Topolanek në Tiranë do të kontribuojë në forcimin e mëtejshëm të marrëdhënieve miqësore dhe rritjen e bashkëpunimit mes dy vendeve.
Te dy palët vlerësuan marrëdhëniet e shkëlqyera politike që ekzistojnë mes dy vendeve dhe shprehën vullnetin e përbashkët për intensifikimin e mëtejshëm të marrëdhënieve në të gjitha fushat, në mënyrë të veçantë në fushën ekonomike dhe shkëmbimet tregtare.
Kryeministri Berisha i shprehu falënderimet zotit Adamec për mbështetjen dhe përkrahjen që Çekia i ka dhënë Shqipërisë për marrjen e ftesës për anëtarësim ne NATO, duke e cilësuar këtë, si një ngjarje historike për mbarë kombin shqiptar. Gjithashtu Kryeministri Berisha shprehu falënderimet e tij për mbështetjen dhe ndihmën që Çekia ofroi për të prekurit e tragjedisë së Gërdecit.
Gjatë takimit, Kryeministri i njohu senatorët me masat e ndërmarra nga qeveria për krijimin e kushteve sa më të përshtatshme për tërheqjen e investimeve të huaja. Në këtë kontekst, Kryeministri siguroi senatorët, se investitorët çekë do të gjejnë në Shqipëri siguri dhe përkrahje për zhvillimin e bizneseve të tyre.
Nga ana e tyre, deputetet e senatit cek falenderuan kryeministrin për mikëpritjen dhe e uruan atë per marrjen nga ana e Shqipërisë të ftesës per anetarsin ne NATO, duke e cilësuar ate, si vlerësim i arritjeve dhe reformave te qeverisë shqiptare.
Në këtë kontekst, zoti Adamec u shpreh se Çekia do te vazhdosje te mbeshtese integrimin e Shqiperise ne NATO dhe BE. Përsa i përket MSA zoti Adamek u shpreh se kjo marrëveshje ehste ratifikuar ne senatin cek dhe se shpejti do te ratifikohet edhe ne Dhomen e ulet te Parlamentit.
Senatorët çekë u shprehën se vizita e tyre, e cila i paraprin vizitës së Kryeministrit cek në Tiranë, ka si qëllim promovimin e bashkëpunimit, në mënyrë të vecantë në fushën ekonomike dhe te shkëmbimeve tregtare, si dhe në mundësinë e zhvillimit të partneritetit midis qyteteve të dy vendeve në nivelin e qeverisjes vendore.
Në këtë pikë senatoret çekë theksuan se i vleresojnë shumë pozitivisht reformat e qeverise shqiptare, në vecanti ato në fushën ekonomike, për konsolidimin e klimes më të përshtatshme për biznesin dhe inkurajimin e investitorëve të huaj. Senatorët vleresuan se ekonomia shqiptare po transformohet nga nje ekonomi kryesisht importuese ne një ekonomi prodhuese dhe po zgjon gjithnje e me shume intresin e investimeve te huaja.
Në bashkëpumim me ambasadën çeke në Tirane u shpreh janë evidentuar 36 fusha me interes për invëstitotët çekë në Shqipëri, ne veçanti për sa i përket energjisë, privatizimeve të medha të ndërmarrjeve shtetërore, hekurudhave, pasurive minerale, etj.
Për sa i përket ndihmës së dhënë për përballimin e tragjedisë së Gërdecit zoti Adamec u shpreh se kjo ishte ndihmë e ofruar nga një popull dhe një qeveri mike në shenjë solidariteti ndaj nje vendi mik dhe qeverie mike, sikundër dhe Shqipëria do të bënte njëjtën gjë për Çekinë.