Sequi: Miratimi i Kodit Penal, tjetër hap integrimi

"E mirëpres miratimin nga Kuvendi të ndryshimeve në Kodin Penal ditën e djeshme. Miratimi i këtyre ndryshimeve është i rëndësishëm sepse ka të bëjë me një nga prioritetet kyçe të Opinionit të Komisionit Evropian për Shqipërinë, për sa i përket miratimit të legjislacionit që kërkon një shumicë të cilësuar në Parlament”, tha Sequi.

Së dyti, vijoi ambasadori i BE-së, “ndryshimet në Kodin Penal janë shumë kuptimplotë sepse kanë të bëjnë me disa çështje të rëndësishme, si për shembull, dekriminalizimi i shpifjes dhe fyerjes, shkeljet që kanë të bëjnë me zgjedhjet, masat kundër dhunës brenda familjes”.

“Miratimi i këtyre ndryshimeve ligjore është një sinjal inkurajues në trajtimin e çështjeve që janë pjesë e agjendës evropiane të vendit. Kam besim se çështje të tjera po kaq të rëndësishme të agjendës evropiane dhe të prioriteteve kyçe të Opinionit do të trajtohen në të njëjtën frymë", theksoi ambasadori. /Start/

                                                                                             2012-03-02 16:26