Serbet i hapin lufte policise, 83 te plagosur
Serbet e Mitrovices kane sulmuar forcat e armatosura te policise nderkombetare UNMIK dhe KFOR-it, me pasoje plagosjen e dhjetera ushtarakeve e civileve. Zhvillimet u evidentuan dje ne veri te Mitrovices. Autoritetet konfirmuan se 25 police te Kombeve te Bashkuara dhe 8 pjesetare te KFOR-it jane plagosur nga nje shperthim, gjate perplasjeve mes protestuesve serbe dhe forcave nderkombetare te rendit. Perplasjet nisen pas nderhyrjes se policise se Kombeve te Bashkuara dhe forcave paqeruajtese ne Kosove, per te rikthyer kontrollin mbi ndertesen e Gjykates se Qarkut dhe Gjykates komunale ne veri te Mitrovices. Kjo ndertese ishte pushtuar te premten qe shkoi, nga disa protestues serbe, akt ky te cilin autoritetet vendore dhe nderkombetare e cilesuan si vandalizem.
Ngjarja precipitoi heret ne mengjes. "Kunder misionit paqeruajtes nderkombetar ne Kosove, KFOR, qe udhehiqet nga NATO-ja, eshte hapur zjarr me arme automatike, gjate trazirave te serbeve", deklaroi nje zedhenes i KFOR-it francez. Ne vendngjarje jane shfrytezuar mjete te ndryshme shperthyese nga protestuesit serbe, gje qe ka nxitur edhe terheqjen e policise se Kombeve te Bashkuara nga veriu i Mitrovices.
Sakaq, mjetet serbe te informimit pretenduan se jane lenduar 50 protestues serbe, te cilet jane trajtuar ne qendren spitalore ne veri te Mitrovices. Kryetari i Keshillit Kombetar Serb ne Mitrovice, Nebojsha Jovic, ka kerkuar nga Beogradi "qe te ushtroje presion tek UNMIK-u dhe te qartesoje nese Kosova, sic thuhet, eshte pjese e Serbise". Sipas tij, komuniteti serb nuk e ka dashur dhunen qe ndodhi, "por sot eshte arrestuar drejtesia nga kriminelet dhe ata qe ushtrojne dhune". Jovic pretendoi madje se "zhvillimet e sotme ishin nje skenar qe per synim, kane krijimin e kaosit". Po ashtu, ai u ka bere thirrje autoriteteve ne Beograd qe te jetesojne planin e tyre aksional, duke thene se me heshtje Beogradi rrenon preambulen e Kushtetutes se Serbise, ne te cilen thuhet se Kosova eshte pjese e Serbise.
Duke pare perkeqesimin e situates, perfaqesuesi rajonal i administrates nderkombetare ne Mitrovice, Gerard Galuci, u kerkoi protestuesve serbe qe te terhiqen nga protesta, ne menyre qe situata te mos perkeqesohet. "Secili duhet ta kuptoje se te gjithe duhet te terhiqen. Secili duhet te terhiqet tash, ne menyre qe te evitojme eskalimin me serioz te situates", u shpreh ai.
Bilanci pas operacionit te forcave nderkombetare te rendit, u mbyll me arrestimin e 53 serbeve, prej te cileve, sipas njoftimeve nga Sherbimi Policor i Kosoves, 32 vazhdojne te mbahen ne arrest.
Policia terhiqet nga veriu
Pas sulmeve me granata dore dhe arme zjarri, policia eshte urdheruar qe te terhiqet nga veriu i Mitrovices, qe situaten ta kete nen kontroll KFOR-i. Kete e pohoi zedhenesi i Sherbimit Policor te Kosoves, Veton Elshani. Ai argumentoi se terheqja e tyre u be per shkak te sigurise. Ndersa siguroi se, ne pjesen tjeter te Kosoves, situata eshte e qete: "Ne komunat e tjera, Zubin, Potok, Leposaviq, Zvecan dhe ne gjithe pjesen tjeter te Kosoves, duke perfshire edhe kufijte, situata eshte me se normale".
UNMIK arreston 53 serbe
Njesite speciale te policise se UNMIK-ut kane nxjerre me force te gjithe serbet nga ndertesa e gjykates se Kombeve te Bashkuara ne qytetin e Mitrovices. Ata e kishin pushtuar prej tri ditesh kete ndertese. Ne kete operacion u perfshine 500 forca policore. Te pakten 53 persona qe gjendeshin brenda saj u arrestuan.