Serbia dorëzon librat e gjendjes civile për Kamenicën

 Në Agjencinë e Regjistrimit Civil është mbajtur ceremonia e pranim-dorëzimit të Librave të certifikuar të gjendjes civile, të kthyer nga Serbia për komunën e Kamenicës.

Ushtruesi i detyrës së kryeshefit të kësaj agjencie, Abedin Mehmeti, i ka dorëzuar Komunës së Kamenicës gjithsej 824 Libra civilë dhe fetarë të gjendjes civile, transmeton REL.

Kthimi i regjistrave të gjendjes civile, të skanuar dhe të certifikuar, është pjesë e marrëveshjes së 2 korrikut, 2011, në mes të delegacioneve të Prishtinës dhe Beogradit. /Indeksonline/