Shakira, fansi i vjedh unazën gjatë koncertit

Jo të gjithë fansat lënë kokën për këngëtaren kolumbiane, Shakira. Gjatë një koncerti që kjo e fundit ka dhënë në Meksikë, një fans i ka hequr unazën nga dora, në momentin që i është afruar publikut. Këngëtarja nuk e ka vënë re këtë gjë, por pamjet dhe video, e cila është hedhur në internet, tregojnë qartë se si një person i heq unazën këngëtares nga dora, teksa kjo e fundit i ishte afruar publikut. Shakira është mërzitur shumë me këtë gjë dhe ka deklaruar se nuk do të kthehet kurrë më në Meksikë.