Shapovalov sulmon Nadal: Gjithmonë merr trajtim special

Është një Denis Shapovalov i frustruar, i zhgënjyer dhe i zemëruar që shfaqet në konferencën për shtyp pas humbjes në pesë sete ndaj Nadal. Një ndeshje në të cilën kanadezi shprehu gjithë zemërimin e tij për një trajtim të supozuar favorizues të marrë nga fituesi i 20 Grand Slam. “Nuk e kisha fjalën të korruptuar, ndoshta më pushtoi emocioni, por pjesa tjetër sipas mendimit tim, Nadal ka gjithmonë një trajtim të favorshëm në krahasim me të tjerët”.

Akuzat ndaj gjyqtarit Bernandes janë të qarta: “Në të gjitha ndeshjet e tjera që kam luajtur – vazhdoi Shapo – ritmi ishte shumë i shpejtë sepse gjyqtarët ishin të vëmendshëm. Atij i mbetet gjithmonë më shumë kohë”. Shtatë minutat e pushimit mjekësor të marrë nga spanjolli për problemet me stomakun e irrituan Denisin edhe më shumë: “Vitin e kaluar, pikërisht këtu, për të njëjtën arsye më refuzuan të shkoja në tualet. Përpara se të merrte kohën mjekësore, më pas pyeti për një pushim tualeti. Me pak fjalë, cili është kufiri? “.