Sheremet Ahmeti: Nuk do të jap dorëheqje

Drejtori i Përgjithshëm i Policisë së Kosovës Sheremet Ahmeti nuk do të jap dorëheqje për shkak të vjedhjes së rëndë e cila ndodhi muajin e kaluar në polici. Ai këto komente i bëri në Prishtinë në një solemnitet me rastin e emërimit të drejtorëve rajonal të policisë.
Komisioni për siguri ditë më parë ka kërkuar me këmbëngulje shkarkimin e drejtorit të Policisë së Kosovës Sheremet Ahmetit nga detyra, ndërsa krijimin e task forcës për hetime e ka quajtur të paligjshëm. Ahmeti në një prononcim për media, tha se është i gatshëm të marrë të gjitha përgjegjësitë gjatë procesit të hetimeve, por nuk do të jap dorëheqje. A do te jepni dorëheqje? Jo nuk ka nevojë të jap dorëheqje. Unë pres nga hetimet që të përcaktohet përgjegjësia e çdo kujt, tha Ahmeti. Megjithëse Komisioni për Siguri ka kërkuar edhe interpelancë të ministrit të punëve të brendshme Zenun Pajazitit, ai nuk pranoj të prononcohej për këtë çështje.