Shfuqizohet vendimi shendetesia blerjet me prokurim publik

Blerjet vetem per reagente dhe kite per Qendren e Gjakut

Vaksina sezonale materialet mjekesore si dhe reagente e kite do te blihen serish me prokurim publik. Me vendim te Keshillit te Ministrave eshte vendosur qe Ministrise se Shendetesise ti lejohet te perdore prokurimin por vetem per tipat e blerjeve per te cilat vlera eshte me e vogel se 400 000 leke. Rikthimi i prokurimit publik behet pas bllokimit te bere pak kohe me pare nga qeveria e ardhur kjo ne kuader te marrjes se masave per te shmangur efektet e krizes ekonomike boterore. Mirepo edhe kesaj radhe nisja e procedures per prokurim behet per zerat e miratuar nga qeveria dhe vetem per disa institucione.

Blerjet

Ne mbledhjen e djeshme te qeverise Kryeministri Sali Berisha ka bere disa shtesa ne vendimin Per disiplinimin e perdorimit te fondeve buxhetore duke i shtuar paragrafet ku lejojne prokurimin publik. Perkatesisht ne vendim thuhet Perjashtimisht lejohen te gjitha autoritetet kontraktore te vijojne normalisht kryerjen e procedurave te prokurimit per te gjitha blerjet me vlere me te vogel se 400 000 katerqind mije leke. Perjashtimisht lejohet Ministria e Shendetesise si autoritet kontraktor te vijoje normalisht kryerjen e procedurave te prokurimit per disa objekte.

Me pas vendimi percakton se me prokurim do te blihen materiale konsumi mjekesor per Qendren Kombetare te Transfuzionit te Gjakut.

Po keshtu per kete qender do te blihen edhe kite dhe reagente si dhe kite per agjentet infektive te kontrollit te gjakut ne llogari te QKTGJ. Po keshtu do te blihen edhe kite reagentesh dhe materialesh konsumi per laboratoret e drejtorive te Shendetit Publik. Per helikopteret e Njesise se Transportit Mjekesor me Helikopter vajguri JET A1 do te sigurohet me prokurim publik si dhe blerje vaksinash te rralla antirabike dhe sezonale.

Buxheti

Gjithashtu nje tjeter vendim i marre dje ne Keshill te Ministrave ka prekur serish shendetesine dhe buxhetin e saj. Keshtu shendetesise i rishperndahen fondet e akorduara brenda buxhetit te vitit 2010 te miratuar per kete sektor. Me VKM behet rishperndarja e fondeve perkatesisht ne programin buxhetor 07220 Sherbimet e kujdesit paresor te shtohet fondi 300 000 000 leke ne artikullin 604 Te tjera transferime korente te brendshme. Nderkohe qe per sherbimet e kujdesit dytesor pakesohet fondi me 300 000 000 leke Ne programin buxhetor 07330 Sherbimet e kujdesit dytesor te pakesohet fondi 300 000 000 treqind milione leke ne artikullin 604 Te tjera transferime korente te brendshme - percakton vendimi.

Prokurimi publik u bllokua po me vendim qeverie vetem pak kohe me pare. Pergjate gjithe kesaj kohe institucionet nuk kane mundur te kryejne blerje. Pasqyre e situates eshte edhe gjendja e bankave te gjakut ne vend te cilat nuk grumbullojne dot gjak pasi nuk kane kite dhe as reagente duke sjelle si derivat edhe moskryerjen e operacioneve ne Qendren Spitalore Universitare Nene Tereza. Per kete arsye eshte pare si imediate prokurimi sa me i shpejte i ketyre materialeve per laboratorin e QKTGJ-se dhe ISHP-se.