Shkeli perimetrin e sigurisë detare, 500 mijë lekë gjobë drejtuesit të gomones në Ksamil

TIRANË, 31 korrik /ATSH/ Drejtuesi i një mjeti lundrues tip gomone u gjobit sot nga policia me 500 mijë lekë pasi shkeli perimetrin e sigurisë detare, në zonën e Gjirit të Hartës, në Ksamil, duke lundruar brenda hapësirës së rezervuar për pushuesit, me rrezik të drejtpërdrejtë për jetën dhe sigurinë e tyre.

Gjithashtu, Policia Kufitare dhe Njësia e Policore Detare bënë bllokimin e mjetit lundrues tip gomone.

Policia Kufitare u bën thirrje të gjithë drejtuesve të mjeteve lundruese të respektojnë me rigorozitet perimetrin e sigurisë së plazheve dhe rregullat e lundrimit. Çdo shkelje që cenon jetën dhe sigurinë e pushuesve do të konstatohet dhe do të ndëshkohet me masat e parashikuara nga legjislacioni në fuqi.

/m.q/r.e/a.f/