Shkembi i Kavajes tashme me 24 ore uje te pijshem

Katër mijë familjet në zonën e Shkëmbit të Kavajës tashmë kanë 24 orë ujë të pijshëm. Ministri i Punëve Publike dhe Transportit Sokol Olldashi tha se do të vazhdohet me investime të tjera për të garantuar furnizim 24 orë me ujë për qytetin e Durrësit dhe zonat periferike të tij.

Paralelisht me investimet për ujin e pijshëm, në muajin shkurt të vitit 2013 përfundon edhe loti i dytë për kanalizimet e ujërave të zeza të zonës së plazhit.

Këto investime garantojnë që verën e vitit të ardhshëm të mos ketë me ujëra të zeza të qytetit dhe të plazhit që të derdhen në det.