Shkodër – Aplikohen 60% e vaksinave, koha më e përshtatshme për t’u vaksinuar kundër gripit

Për shkodranët duket se muaji i fundit ka qenë më i përshtatshmi për t’u vaksinuar kundër gripit.

Rreth 1 muaj më parë 15.700 vaksina anti grip mbërritën në qendrat shendetësore të Shkodrës. 

Të moshuarit kanë qenë grupmosha e cila ka treguar më shumë interes për të aplikuar vaksinen e gripit.

Ata menjëherë iu drejtuan institucioneve shendetësore për tu vaksinuar. 

Sot 1 muaj pas nisjes së vaksinimeve, në Shkodër janë aplikuar 60% të dozave që u tërhoqen, thotë për RTSH kryevaksinatori Arben Xhabija.

Ai e vë theksin tek rëndësia e vaksinimit jo vetëm për të moshuarit, por edhe grupet e tjera që konsiderohën në rrezik. 

Vaksina kundër gripit këtë vit është 4 vakente. Ajo krijon mbrojtje nga disa lloje virusesh. Specialistët në Shkodër thonë se aktualisht është periudha më e mirë për të kryer këtë vaksinë pasi gripi ende nuk është në pikun e tij.

Gazetar: M.Gjoni

/ rtsh.al /