Shkodër, të varfërit në ankth për pajisjen me karta identiteti
“News24” ka kontaktuar me disa prej familjeve të varfra në Shkodër, ku duket se pajisja me karta të identitetit është një mision i pamundur. Varfëria kushtëzon jetesën e këtyre familjeve ashtu edhe pajisjen me karta.
SHKODËR- Të varfër dhe të frikësuar nga gjobitja nëse nuk aplikojnë për kartat e identitetit. Varfëri e tejskajshme dhe kushte të rënda jetese po ndikojnë në pajisjen me karta të identitetit në disa familje në qytetin e Shkodrës. Pothuajse dy javë e ndajnë këtë familje Shkodrane nga 15 prilli dhe duket se të gjithë janë në ankth. Në familjen Dede jetojnë 6 persona, 4 prej të cilëve duhet të pajisen brenda datës 15 prill me karta të identitetit.
Në prononcimin e tyre vajza 19 vjeçare Ana tregon se nuk mund të blejë dot as një palë këpucë të vjetra, pasi të ardhurat mujore janë vetëm 8 mijë lekë në muaj.
Gjithashtu ato nuk janë të pajisur me pasaporta për të njëjtën arsye që nuk arrijnë të blejnë dot kartën e identitetit. Mungesa e të hollave është kthyer në shkak për mos aplikimin e tyre për kartat dhe rrjedhimisht kusht për sanksionet që mund të vendosen ndaj tyre.
E njëjta situatë shfaqet edhe në familjen Kodra që përbëhet nga 6 persona, ku dy kryefamiljarët të cilët nuk kanë pasaporta, duhet të pajisen me karta të identitetit, por të ardhurat mujore në këtë familje janë vetëm 3800 lekë.
Një tjetër familje shkodrane e cila nuk blen dot kartën e identitetit, të cilët thonë se të ardhurat mujore janë vetëm 8 mijë lëkë në muaj, por vetëm ilaçet për kryefamiljarin e sëmurë rrëmbejnë më shumë se gjysmën e kësaj shume.
Lista e familjeve të varfëra në Shkodër është e gjatë. Pavarësisht se rreth vetëm 15 ditë na ndajnë nga afati përfundimtarë i pajisjes me kartat e identitetit për të gjithë ata shtetas që nuk kanë pasaporta, në qytetin e Shkodrës ka shumë familje të cilat jetojnë në kushte të mjerueshme dhe me të ardhura minimale të jetesës. (a.r/news24/balkanweb)
SHKODËR- Të varfër dhe të frikësuar nga gjobitja nëse nuk aplikojnë për kartat e identitetit. Varfëri e tejskajshme dhe kushte të rënda jetese po ndikojnë në pajisjen me karta të identitetit në disa familje në qytetin e Shkodrës. Pothuajse dy javë e ndajnë këtë familje Shkodrane nga 15 prilli dhe duket se të gjithë janë në ankth. Në familjen Dede jetojnë 6 persona, 4 prej të cilëve duhet të pajisen brenda datës 15 prill me karta të identitetit.
Në prononcimin e tyre vajza 19 vjeçare Ana tregon se nuk mund të blejë dot as një palë këpucë të vjetra, pasi të ardhurat mujore janë vetëm 8 mijë lekë në muaj.
Gjithashtu ato nuk janë të pajisur me pasaporta për të njëjtën arsye që nuk arrijnë të blejnë dot kartën e identitetit. Mungesa e të hollave është kthyer në shkak për mos aplikimin e tyre për kartat dhe rrjedhimisht kusht për sanksionet që mund të vendosen ndaj tyre.
E njëjta situatë shfaqet edhe në familjen Kodra që përbëhet nga 6 persona, ku dy kryefamiljarët të cilët nuk kanë pasaporta, duhet të pajisen me karta të identitetit, por të ardhurat mujore në këtë familje janë vetëm 3800 lekë.
Një tjetër familje shkodrane e cila nuk blen dot kartën e identitetit, të cilët thonë se të ardhurat mujore janë vetëm 8 mijë lëkë në muaj, por vetëm ilaçet për kryefamiljarin e sëmurë rrëmbejnë më shumë se gjysmën e kësaj shume.
Lista e familjeve të varfëra në Shkodër është e gjatë. Pavarësisht se rreth vetëm 15 ditë na ndajnë nga afati përfundimtarë i pajisjes me kartat e identitetit për të gjithë ata shtetas që nuk kanë pasaporta, në qytetin e Shkodrës ka shumë familje të cilat jetojnë në kushte të mjerueshme dhe me të ardhura minimale të jetesës. (a.r/news24/balkanweb)