Shkollat profesionale, si llogariten piket

Shkollat e mesme profesionale, per here te pare, do te japin sivjet si provim me detyrim lende qe nuk i perkasin zanatit te tyre, dhe qe ata i kane bere vetem tre vjet. Per shkollat tekniko-profesionale, Ministria e Arsimit ka vendosur qe te jepet provim edhe Letersia, ndersa per shkollat social-kulturore do te jepet Matematika. Kesisoj, futja e ketyre elementeve te rinj do te ndryshoje edhe sistemin e perllogaritjes se pikeve. Keshtu, ne shkollat profesionale, Letersia do te kete 15 per qind te peshes se pyetjeve, ndersa Matematika 25 per qind te peshes se pikeve te Matures. Nderkaq, skema kthehet permbys per shkolla social-kulturore. Ne keto te fundit, perjashtuar shkollat pedagogjike, Matematika do te kete 15 per qind te peshes se pyetjeve te Matures Shteterore, ndersa Letersia dhe Gjuhe Shqipe 25 per qind te tyre. Ministria e Arsimit dhe e Shkences ka kujtuar se piket qe te kualifikojne per ne shkolle te larte perbehen nga 5 komponente: Mesatarja e shkolles se mesme, me vlere 20 per qind, provimi i pare i detyruar (D1, Gjuhe-Letersi) me 20 per qind, provimi i dyte i detyruar (D2, Matematike) me vlere 20 per qind, provimi i pare me zgjedhje, me vlere po 20 per qind, si dhe provimi i dyte me zgjedhje me 20 per qind peshe ne vleresimin perfundimtar. Sipas Ministrise se Arsimit, maturantet e shkollave profesionale do te ndajne 40 perqindeshin e provimeve te detyruara, sipas profilit (social a natyror), sipas perqindjeve te mesiperme. Ndersa per kategorine e nxenesve te shkollave profesionale, qe nuk do te vazhdojne studimet ne shkollat e larta publike do te japin dy provime. Behet fjale per ate te Matematikes, si provim te Matures Shteterore dhe provimin "Teori dhe praktike profesionale", si provim shkollor. MASH ka shpjeguar edhe shkaqet pse maturantet e shkollave te mesme profesionale duhet te testohen per gjuhe-letersine dhe matematiken. Sipas saj, te gjithe duhet te marrin nje kulture te pergjithshme ne pershtatje me zhvillimet e sotme. Nje shkak tjeter eshte qellimi per te pasur nxenes te formuar sa me mire ne kulturen e pergjithshme, si dhe qe ata te mos diskriminohen ne krahasim me gjimnazistet, pasi do te kene nje koeficient po aq favorizues per fakultetet e tjera, qe ua jep pikerisht provimi me fjale. Sipas Ministrise se Arsimit, programet orientuese jane ne dore te ketyre maturanteve qe ne dhjetor te vitit te kaluar, me qellim shmangien e problemeve.

Mangesite ne Letersi dhe Matematike

Duke qene se shkollat e mesme profesionale kane bere letersi vetem tre vjet, ndersa ata te shkollave social-kulturore kane bere matematike po aq vjet, mangesite presupozohet te jene te dukshme ne krahasim me maturantet e tjere. Por, per t'u ardhur ne ndihme maturanteve te profesionaleve dhe te shkollave kulturore, MASH ka nxjerre udhezimin, i cili cakton nje mesues qe do te beje konsultime nje ore ne jave per lendet letersi dhe matematike dhe qe do te paguhet nga shteti me ore plus.