Shkon per gjah, gjendet i vrare Hallka
SKRAPAR - Ka shkuar per gjah me nje shokun e tij, por ka gjetur vdekjen aksidentalisht nga arma e gjahut. Ngjarja qe i mori jeten 50-vjecarit Feti Hallka mesohet te kete ndodhur ne te gdhire te dites se djeshme, por informacioni ka mbritur vetem mesditen e sotme prane organit blu te qytetit te Corovodes per shkak te largesise se vendit te ngjarjes. Hallka mesohet te kete gjetur vdekjen ne nje nga fshatrat e larget te komunes Gjerbes ne rrethin e Skraparit ku kishte shkuar per gjah. Babai i tre femijeve mesohet se ishte nisur qe mbremjen e djeshme nga banesa e tij ne Gjerbes drejt nje tjeter fshati per gjah me shoqerine e nje miku te tij. Policia e Corovodes beri me dije se ka qene pikerisht ky i fundit qe ka njoftuar organin blu per vdekjen e 50-vjecarit. Informacioni mesohet te kete mberritur me vonese per shkak te pamundesise se lidhjes me telefon nga fshati i larget Gjerbes. Policia e qytetit te Corovodes mesohet se menjehere pas marrjes se informacionit ka derguar ekspertet hetimore drejt vendit te ngjarjes. Burime te ketij komisariati bejne me dije se vendi i ngjarjes qe ndodhet teper larg ka bere qe ekspertet e policise te kene mberritur me vonese ne kodrat e fshatit ku dhe kishin shkuar per gjah dy burrat. Policia saktesoi se ekspertet qe ende ndodhen ne vendin e ngjarjes i kane shtrire hetimet mbi vdekjen e 50-vjecarit ne dy pista ate te vrasjes nga pakujdesia ose vete vrasjes po nga pakujdesia. Gjithsesi burime nga organi blu i ketij qyteti bejne me dije se vetem mberritja e eksperteve te policise prane ketij organi do te saktesoje motivet e kesaj ngjarje. E. Hazizolli