Shoqata Tirana: "Edi Rama nuk na ka pyetur per sheshin"

Kryetari i Shoqates "Tirana", Arben Tafaj, kerkoi dje ne emer te qytetareve te kryeqytetit, transparence dhe sqarime ne lidhje me punimet ne sheshin "Skenderbej". Teper i indinjuar per mos perfshirjen ne diskutimet per ndertimin e sheshit qe eshte i te gjithe banoreve, Tafaj, ftoi te gjitha palet te ulen ne tryeze dhe te flasin hapur dhe te degjojne zerin e qytetareve. "Ai qe nuk degjon nuk qeveris. Sundon. Ne duam qe vendimet qe perfshijne kete qytet, te jene legjitime. Pa mbeshtetjen publike, asnje vendim nuk do te jete i tille. Tirana eshte qyteti yne i perbashket, mjedisi i fatit tone te perbashket. Per sa kohe duhet te bashkejetojme, duhet te bashkeqeverisim", tha Tafaj, ne emer te kryeqytetasve. Sipas tij, qytetaret e Tiranes, kur te mendojne per sheshin "Skenderbej", duhet ta shohin ate si pjese integrale te qytetit te tyre, jo si nje arne mbi fletoren elektorale te kryetarit te radhes, apo si nje ceshtje qe nuk iu perket me. "Qytetaret e Tiranes nuk mund te jene peng i nje procesi politik mosmarreveshjesh nderinstitucionale", kritikoi ai. Tafaj shtoi se Shoqata "Tirana" i ka ndjekur me shqetesim te thelle zhvillimet e fundit qe kane perfshire mazhorancen dhe opoziten, qeverine dhe bashkine e Tiranes, te cilat jane perplasur me zhurme mbi sheshin "Skenderbej" dhe "zemren" e kryeqytetit.