Shoqata e Turizmit Shtohen turistet nga Ballkani rritje 20 cdo vit

 Cilësia e shërbimeve në turizëm është kthyer në sfidën kryesore të operatorëve turistikë.

Sipas përfaqësuesve të Shoqatës së Turizmit, turistët, që kryesisht janë nga Ballkani, janë rritur me 20 për qind për çdo vit dhe të tillë parashikohen edhe për vitin 2011.

Aktualisht, ligji i Turizmit po i nënshtrohet disa ndryshimeve, me qëllim që të shtohet kërkesa e standardeve ndaj operatorëve të turizmit.

Sinjale pozitive vijnë nga sektori i turizmit për vitin 2011.

Ndërsa është çelur zyrtarisht sezoni veror turistik, përfaqësues të Shoqatës së Turizmit konfirmojnë për një numër të konsiderueshëm të turistëve që kanë vërshuar drejt vende shqiptare.

Sipas drejtorit të Akomodimit, Zak Topuzi, megjithëse zgjedhjet ishin në qendër të vëmendjes, turistët kanë qenë aktiv edhe gjatë muajve të fushatës.

Sipas Topuzit, tashmë qëllimi i Shoqatës së Turizmit është rritja e cilësisë së shërbimeve, me qëllim rritjen e konkurrencës.

Aktualisht, ligji i Turizmit po i nënshtrohet disa ndryshimeve, me qëllim që të shtohet kërkesa e standardeve ndaj operatorëve të turizmit.