Shoqerite e transportit rritin cmimi e biletave
Prej nje jave vlera e biletes se udhetimit me autobuse dhe me furgone ne autostraden Tirane-Durres ka pesuar rritje te ndjeshme. Shkak eshte bere rritja e vleres se karburanteve ne treg - sipas shoqerive te transportit. Jane studentet e universiteteve ata qe e ndiejne me teper kete rritje pasi per cdo dite ata udhetojne vajtje-ardhje ne linjen Durres-Tirane. Po keshtu tendence te ndjeshme rritjeje ka edhe gazi i lengshem i cili perdoret per ngrohje por edhe per automjetet. Madje tregtaret kane paralajmeruar dje se cmimi i gazit do te pesoje nje rritje te re per shkak te vlerave te kasave fiskale. Prej nje jave mjetet e transportit publik furgone e autobuse te cilet punojne ne aksin me te rrahur Tirane-Durres kane rritur ndjeshem cmimin e biletes se udhetimit. Kjo ka bere qe tatimoret dhe Policia Bashkiake te nisin aksionin e verifikimit dhe gjobitjes se atyre mjeteve qe abuzojne me cmimin e biletave. Pronaret e furgoneve e kane rritur bileten 50 per qind dhe ata te autobuseve me 20 per qind. Keshtu per te udhetuar me furgon ne rrugen Tirane-Durres apo anasjelltas duhet te paguash 150 leke per bilete nga 100 leke qe ka qene kjo vlere qe prej 10 vjetesh. Ndersa nese do te udhetosh me autobus vlera e biletes eshte 120 leke nga 100 leke me pare. Shkak per kete rritje te vleres se transportit kane sqaruar pronaret e ketyre mjeteve te transportit publik ka qene rritja e cmimit te karburantit. Keshtu 1 liter benzine ne distributor kushton 159 leke ndersa 1 liter nafte kushton 150 leke. Ata qe e ndjejne me teper kete rritje jane studentet durrsake te cilet ndjekin studimet ne universitetet e Tiranes. Cdo student nese udheton me furgon paguan 300 leke ne dite vajtje-ardhje dhe nese udheton me autobus 240 leke. Te njejten perspektive kane rezervuar per konsumatorin edhe tregtaret e gazit te lengshem. Pas nje rritjeje qe pesoi gazi disa dite me pare 1 bombol 10-litroshe nga 1000 leke qe tregtohej me pare sot shitet me 1200 leke. Por duket se edhe ky cmim do te jete ne rritje. Kete e bene te ditur dje edhe shoqerite e tregtimit te gazit ne Durres. Kjo situate ka detyruar strukturat e shtetit te nderhyjne me mjetet ligjore per te ndaluar abuzimin me rritjen fiktive te cmimeve.