Debora, bllokohet dogana e Gorices
Gezim Ashimi
Korce - Reshjet e debores, ndonese jo shume te dendura dhe te vazhdueshme, nuk kane kaluar pa veshtiresi ne qarkullimin e mjeteve ne rajonin e Korces. Probleme te shumta jane shfaqur ne segmentin rrugor Liqenas-dogana e Gorrices, ku ka pasur bllokime per levizjen e mjeteve. Burimet nga Prefektura e Korces sqaruan se keto bllokime kane ardhur per shkak te qarkullimit te disa mauneve me mallra qe kane veshtiresi levizjeje ne kete rruge rurale te ngushte dhe sidomos tani ne periudhen e dimrit.
Pergjegjesi per sektorin e emergjencave civile ne Prefekturen e Korces, Dhori Cekrezi, tha dje, per “Koha Jone”, se debora ka krijuar probleme ne segmentin rrugor Bilisht-Kapshtice te superstrades Korce-Kapshtice. Probleme jane konstatuar edhe ne zonat me te larta malore te rrugeve nacionale si Qafa e Qarrit ne rrethin e Kolonjes, Qafa e Thanes dhe Qafa e Plloces ne rrethin e Pogradecit. Cekrezi tregon se gjate nates eshte nderhyre me mjete borepastruese ne keto akse rrugore problematike, duke u hedhur edhe kripe e skorie dhe eshte arritur qe te sigurohet qarkullimi i mjeteve, por me zinxhire mbrojtes.
Ne zonat fushore te ketij rajoni eshte krijuar nje trashesi debore prej afro 5 centimetra, ndersa ne zonat malore nga 15-20 centimetra. Keshtu kane bere te ditur burime zyrtare nga sektori i emergjencave civile ne Prefekturen e Korces, sipas te cilave renia e reshjeve te debores gjate oreve te nates duke gdhire dita e hene kane krijuar nje situate problematike. Reshjet e debores nuk kane krijuar ndonje trashesi te madhe ne rruget e rajonit te Korces, por temperaturat e uleta deri ne minus 5 grade apo me shume krijojne shtresa akulli, qe behen rrezik aksidentesh automobilistike.
Dardha turistike, bllokohet rruga
Pergjegjesi i sektorit te emergjencave civile ne Prefekturen e Korces, Dhori Cekrezi, beri te ditur dje se nga reshjet e debores ka mbetur e bllokuar rruga per ne fshatin turistik te Dardhes. Nga fshati Boboshtice dhe deri ne fshatin Dardhe, kane nderhyre dy mjete borepastruese per te larguar deboren, qe ka krijuar shtresa deri ne 50 centimetra ne vende ku reshjet jane grumbulluar nga era e forte. Burimet nga Prefektura e Korces thane se deri ne mesditen e se henes nuk ka qene e kalueshme rruga per ne fshatin Dardhe, ndersa ne rruge te tjera rurale te rrethit te Korces nuk ka pasur probleme. Po keshtu nuk jane regjistruar aksidente automobilistike, apo raste te emergjencave civile ne furnizim me energji elektrike, apo te semundjeve ne zonat e thella malore.