Shpërndahen notat edhe për tre mijë maturantë

Lista e dytë është afishuar nëpër shkollat ku ka pasur probleme të tilla. Notat e pjesës më të madhe të maturantëve janë shpërndarë më shumë së nja javë më parë, ndërkohë që pjesës tjetër iu shpërndanë vetëm dje.

Vonesat në publikimin e listës së notave të provimeve me zgjedhje, nuk u kanë sjellë asnjë problem maturantëve, pasi Ministria e Arsimit ka lënë afat disa ditë për të plotësuar formularin e lëndëve me zgjedhje.

Nuk dihet ende se pse janë shkaktuar vonesa të tilla, ndërkohë që dikasteri përkatës nuk ka dhënë asnjë sqarim mbi këto vonesa prej dhjetë ditësh.