Shperthen bombola, shpeton familja

KUCOVE- Shperthimi i nje bombole gazi per gatim ka shkaktuar djegien e nje banese ne qytetin e Kucoves, nderkohe qe fatmiresisht flaket kane shkaktuar vetem deme materiale. Burime te Repartit te Zjarrfikeses ne qytetin e Beratit bene me dije se mengjesin e djeshem eshte marre informacioni per nje zjarr te rene ne lagjen “Ferme Partizani”. Fillimisht eshte derguar nje mjet zjarrfikes nga Kucova dhe me pas nje tjeter nga Berati. Jane dashur jo me shume se 30 minuta dhe shtepia ne pronesi te Veli G., eshte shpetuar pjeserisht nga djegia. Flaket dogjen kuzhinen e baneses ku ishte shfaqur vatra. Nga deklarimet e familjareve eshte mesuar se rreth ores 10:00 te paradites ata kane tentuar te ndezin nje sobe me gaz, bombola e se ciles ishte nderruar pak caste me pare. Kjo e fundit dyshohet se ka pasur rrjedhje te gazit ne kohen e instalimit dhe ne castin qe eshte tentuar ndezja ka shkaktuar renien e zjarrit. Kater familjaret qe ndodheshin ne moment ne banese mesohet se jane larguar menjehere pas shfaqjes se flakeve, duke arritur te shpetonin pa plage. Po diten e djeshme, nje mjet skode tip “Volvo”, me targa te Beratit, mesohet se eshte perfshire nga flaket ne lagjen periferike “Uznove”, ndersa ishte i parkuar. Banoret njoftuan policine dhe me pas zjarrfikesit, ndersa po hetohen shkaqet e renies se flakeve.

E. Hazizolli