Shperthim ne aeroportin e Moskes 31 te vdekur
Aeroporti më i ngarkuar i Moskës, Domodedovo është tronditur nga një shpërthim, ku mësohet se janë vrarë të paktën 31 persona dhe janë plagosur më shumë se 100 të tjerë. Raportimet e para thonë se shpërthimi ka qenë një sulm vetëvrasës. Media lokale sugjerojnë se shpërthimi ka goditur zonën e bagazheve në sallën e mbërritjeve të aeroportit. Shërbimet e ndihmës ndodhen në vendngjarje dhe janë duke dhënë ndihmën e parë të plagosurve.
Aeroporti ndodhet 40 kilometra në juglindje të qendrës së qytetit dhe sipas BBC-së, është mjaft i populluar nga punonjësit e huaj dhe turistët që vijnë të vizitojnë Moskën. Shefi i hetimeve ka deklaruar se shpërthimi është vepër e terroristëve. Presidenti rus, Dimitri Medvedev e ka cilësuar shpërthimin një akt terrorist. Jemi sulmuar dhe duhet të rrisim nivelin e alarmit”, ka deklaruar ai. Sipas urdhërit të tij, është rritur niveli i sigurisë në aeroportet e vendit dhe ne stacionet e trenave. Sipas medias lokale, policia është vënë në kërkim të tre personave të dyshuar se kanë lidhje me sulmin.
Juli Prifti
Aeroporti ndodhet 40 kilometra në juglindje të qendrës së qytetit dhe sipas BBC-së, është mjaft i populluar nga punonjësit e huaj dhe turistët që vijnë të vizitojnë Moskën. Shefi i hetimeve ka deklaruar se shpërthimi është vepër e terroristëve. Presidenti rus, Dimitri Medvedev e ka cilësuar shpërthimin një akt terrorist. Jemi sulmuar dhe duhet të rrisim nivelin e alarmit”, ka deklaruar ai. Sipas urdhërit të tij, është rritur niveli i sigurisë në aeroportet e vendit dhe ne stacionet e trenave. Sipas medias lokale, policia është vënë në kërkim të tre personave të dyshuar se kanë lidhje me sulmin.
Juli Prifti