Shperthimet ne Suedi hetime ne Britani

Hetimet mbi shperthimet qe tronditen nje dite me pare Stokholmin jane shtrire deri ne Britani. Policia atje bastisi nje shtepi ne veri te Londres por sic njoftoi me pas nuk ka bere arrestime dhe nuk jane gjetur materiale te rrezikshme.

Arsyeja e kontrollit ishte fakti qe pikerisht ne kete zone kishte jetuar njeriu qe dyshohet si autor i shperthimit te dyte ne kryeqytetin suedez 29- vjecari Abdulwahab al-Abdaly.

Shume gazeta dhe website- vendase por edhe nje forum islamik pretendojne se agresori eshte pikerisht i riu irakian me nenshtetesi suedeze. Ne Suedi ai ishte zhvendosur qe ne 1992-shin. Besohet se Abdaly hodhi veten ne ere ndersa po perpiqej te shperthente nje makine-bombe ne nje lagje tregtare te Stokholmit. Sulmi shkaktoi edhe dy te plagosur.

Sherbimet britanike te sigurise do te perpiqen te zbulojne per sa kohe ka qendruar 29-vjecari ne Angli dhe cfare eshte me e rendesishmja nese ka patur kontakte me persona te tjere.

Nje faqe interneti islamike e identifikoje ate si nje shtetas irakian qe kishte studiuar ne Angli. Disa minuta para shperthimeve agjencia suedeze e lajmeve TT dhe sherbimet e sigurimit moren nje e-mail qe kercenonte me sulme per shkak se Suedia nuk i kishte denuar karikaturat e profetit Muhamed dhe se kishte derguar trupa ne Afganistan.

Sherbimi suedez i sigurise i konsideron shperthimet e se shtunes si krim terrorist. Deshmitaret okulare rrefyen se e kishin pare 29-vjecarin perpara sulmeve duke bartur dicka qe dukej si mjet shperthyes. Abdaly sipas informacioneve ne media ishte martuar ne 2004-ten e ka dy vajza te vogla.