Shqipëria akomodohet në Maqedoni

Ekipi kombëtar i Shqipërisë ka zhvilluar dje seancën e fundit stërvitore në qytetin e Kavajës dhe ka marrë rrugën drejt Prilepit, ku të martën do të luajë kundër Maqedonisë vendase. Në orën 10:30 të paradites, trajneri Xhemal Mustedanagiç kishte programuar një seancë të plotë stërvitore, ndërsa pas kthimit në në hotel, skuadra ka marrë rrugën e gjatë prej thuajse 6 orësh udhëtim drejt qytetit të Prilepit në Maqedoni. Skuadra do të zhvillojë të martën një seancë stërvitore në Prilep në stadiumin ku do të zhvillohet ndeshja.