"Shqiperia, ne krah te Xhibutit e Burkino Fasos

"Transparency International" publikoi ne Shqiperi ne muajin shtator edhe raportin qe kjo organizate ka hartuar per nivelin e korrupsionit ne 180 vende te botes per vitin 2007. Ne kete renditje sa me i larte te jete koeficienti, aq me pak i korruptuar eshte vendi dhe Shqiperia vleresohet me koeficientin 2,9% nga 10% qe eshte koeficienti i vendeve, ne te cilat nuk ekziston korrupsioni. "Per 2007, Shqiperia ka nje permiresim ne renditje si dhe ne koeficientet e vleresimit. Vendi yne renditet ne kuotat nga vendi i 100 deri ne te 105 dhe vleresohet me koeficientin 2,9", theksuan perfaqesuesit e TI-se per vendin tone ne muajin shtator. Sipas raportit, Shqiperia renditet ne te njejtat kuota me Argjentinen, Bolivine, Burkina Faso, Djibuti dhe Egjiptin, vende keto qe kane nje koeficient korrupsioni 2,9%. Duke u krahasuar me vendet e rajonit, Shqiperia renditet me koeficientin me te ulet per korrupsionin. Keshtu, Italia, e cila qendron ne krye te vendeve te rajonit, ka nje koeficient korrupsioni prej 5,2%. Nga ana tjeter e parafundit ne liste vjen Maqedonia, e cila ka nje koeficient korrupsioni prej 3,3%, d.m.th., 0,4% me te larte se Shqiperia.