Shqiperia ne vend te pare per duhanpirjen

Shqiperia mbetet nje nga vendet qe konsumon dhe perdoron me shume duhan. Sipas te dhenave te organizates Boterore te Shendetesise rreth 40 per qind e shqiptareve konsumojne duhan. Ky fakt eshte bere i ditur dje, gjate nje takimi mes ministres se Shendetesise Anila Godo dhe drejtoreshes se Pergjithshme te OBSH-se Margaret Chan. Nga ky takim u premtua se OBSH do te jete mbeshtetesja kryesore e reformave ne sistemin shendetesor. Sipas ministres se Shendetesise, Anila Godo, OBSH, do te mbeshtese vendin tone ne dy projekte te rendesishme, se pari ate qe i perket menyres se ushqyerjes se popullates dhe projektin se si ndikon mjedisi ne shendetin e popullates. "Kerkoj mbeshtetjen tuaj sepse ne po punojme fort ne shume plane, per te zgjidhur problemet emergjente qe shtron shendetesia jone dhe ne planin e reformave te shumta, qe ne kemi ndermarre. Jemi te vendosur te ecim perpara dhe kerkojme hapur, mbeshtetjen tuaj pasi eshte nje cast vendimtar per shendetesine tone", tha Godo gjate fjales se saj. Ndersa drejtuesja e OBSH-se ka vene ne dukje krizen ekonomike qe ka kapur gjithe boten, dhe eshte shprehur se do te ndihet edhe ne shendetesi. "Situata financiare ne gjithe boten po ve ne nje gjendje kritike sistemin shendetesor ne shume vende. Por, projektet per modernizimin e shendetesise do te vazhdojne", ka pohuar drejtoresha e Pergjithshme te OBSH-se Margaret Chan.